"TEN MILLION STEPS FOR CANCER"

Joppie Fourie wat vir sy projek "ten million steps for cancer" deur 113 dorpe altesaam 5100km gaan stap, het in Bloemfontein aangekom. Op 22 Desember het die dames van Midde-Kaalspruit-tak en Dalene Brink, namens Area 12, hom by Bains Game Lodge ingewag met koue pakkies. Tot daar het hy reeds 2200km klaar gestap met sy "bed" wat hy stoot. Van ver af kon hulle al die helderkleurige baadjie, wat hy  vir veiligheid dra,  sien aankom.  Lize Dippenaar het agter hom aangery.  Op 23 Desember het hy die laaste 6km tot in die stad aangedurf.  Miemie Kleingeld, Shoprite/Checkers en Lize Dippenaar, Midde-Kaalspruit-tak, het saam met hom die pad na die Protea Hotel aangepak. Lize se dogter, Mariza, 11 wat saamgestap het, het haar gehelp om te fokus en die 6km te voltooi.  Amelia Loubser, Midde-Kaalspruit-tak, het agter hulle aangery met flikkerligte om die verkeer te waarsku. Hulle het die verkeersafdeling se voertuig by Tempe se verkeerslig gekry.  Op 30 Desember het Lize en Miemie weer die eerste kilometers uit die stad saam met hom aangedurf met Heste Loubser (12) om hulle aan te moedig. Baie dankie aan die verkeersafdeling wat hulle hiermee bygestaan het. Lize het saam met Joppie die Universitas Hospitaal se kinderafdeling besoek. 

Al die inligting kan op sy webtuiste  www.tenmillionstepsforcancer.org.za gekry word.  Waarom hy die stappery aangepak het, waarvoor hy geld insamel en wat hy alles meemaak op die tog.  Lize gaan ook as 2de prinses in die mev. Bloemfontein kompetisie, "ten million steps" as haar liefdadigheids instansie, ondersteun.  Almal van ons is al op een of ander wyse deur kanker geraak.  Daarom vra Lize oo jul ondersteuning vir hierdie projek van Joppie.

Kontak haar by 082 774 2612 of per e-pos  This e-mail address is being protected from spambots. You need JavaScript enabled to view it